Ցավի և նյարդաբանության կլինիկան հզորանում է.Մենք կստեղծենք այնպիսի համակարգ, որտեղ կթևածեն ազնվությունը, արհեստավարժությունը և մարդասիրությունը։Մենք մեզ կշրջապատենք այնպիսի մարդկանցով, ովքեր ունեն անցած ճանապարհ և բարի համբավ։Մեզ միացավ բժշկական գիտությունների դոկտոր, պրոֆեսոր, Խաչատուր Աբովյանի անվան Հայաստանի պետական մանկավարժական համալսարանի լոգոպեդիայի և վերականգնողական թերապիայի ամբիոնի վարիչ, կինեզիոլոգ, նյարդաբան Ստեփան Վաղինակի Գրիգորյանը։
Մեր մեծ բժշկական ընտանիքին միացավ ևս մեկ լուսավոր բժիշկ-ռադիոլոգ (սոնոգրաֆիստ, ռենտգենոլոգ, համակարգչային տոմոգրաֆիայի մասնագետ)` Ջուլիետա Ստեփանի Այվազյանը։ Ախտորոշման կլինիկան ժամ առ ժամ համալրվում է բանիմաց և կայացած կադրերով։ Բոլորս ի գործ` հանուն առողջության։
«Քանաքեռ–Զեյթուն» բժշկական կենտրոնում շարունակվում է կադրային համալրումը։Մեզ են միանում առողջապահության ոլորտի ինչպե’ս փորձառու, այնպե’ս էլ խոստումնալից բժիշկները։Ձևավորվում է միանգամայն նոր կորպորատիվ մշակույթ։Այսօր մեր բժշկական ընտանիքին միացավ բժիշկ-ռադիոլոգ Աիդա Կարենի Արզումանյանը։Մենք գիտենք հաջողության բանաձևը։
Հերթական հրաշալի լուրը…Այսօր, «Քանաքեռ–Զեյթուն» բժշկական կենտրոնի տնօրեն Ավետիս Ավետիսյանի հրամանով նորաստեղծ ախտորոշման կլինիկայի ռենտգեն ախտորոշման ծառայության ղեկավար նշանակվեց Զառա Ռուդոլֆի Այվազյանը։Բժշկական կենտրոնի ողջ անձնակազմն ի սրտե շնորհավորում է փորձառու բժշկին և մաղթում արդյունավետ աշխատանք։
Առողջապահության ոլորտի խոստումնալից բժիշկները շարունակում են համալրել «Քանաքեռ–Զեյթուն» բժշկական կենտրոնի բժիշկների շարքերը։ Օրերս «Քանաքեռ–Զեյթուն» բժշկական կենտրոնի թիմին է միացել գաստրոէնտերոլոգ–էնդոսկոպիստ Անդրանիկ Ղազարյանը։
Ուրախ ենք տեղեկացնել, որ «Քանաքեռ-Զեյթուն» բժշկական կենտրոնի թիմին է միացել թերապևտ-սրտաբան, «Ներքին հիվանդությունների բժշկության հայկական ասոցիացիա»-ի նախագահ Լամարա Մանուկյանը։ Մենք հպարտանում ենք մեր բարձրակարգ մասնագետներով, գնահատում և կարևորում մասնագիտական բարձր պատրաստվածություն ունեցող բժշկական հանրույթի հետ համագործակցությունը։
«Քանաքեռ-Զեյթուն» բժշկական կենտրոնի Ցավի և նյարդաբանության կլինիկայի թիմին է միացել Հայաստանի Հանրապետության ցավի բժշկության առաջատար մասնագետներից մեկը՝ անեսթեզիոլոգ-ռեանիմատոլոգ, ցավի մասնագետ, բժշկական գիտությունների դոկտոր Ռեմի Վահանի Հակոբյանը։ Բարի գալուստ «Քանաքեռ-Զեյթուն» բժշկական կենտրոնի մեծ ընտանիք։
Առողջապահության ոլորտի զարգացմանն ուղղված աշխատանքները շարունակվում են։Միասին ի գործ՝ հանուն առողջության։
